ការរៀបចំដីសំរាប់ការដាំដុះស្រូវ

ការភ្ជួររាស់ដីសម្រាប់ការដាំដុះស្រូវនៅប្រទេសកម្ពុជា។ ​វិទ្យុអូស្រ្តាលី

ការរៀបចំដីគឺជាការអនុវត្តន៍រួមគ្នានូវការភ្ជួររាស់ដី ដើម្បីឲ្យវាស្ថិតក្នុងស្ថានភាពរូបសាស្រ្ត

ល្អប្រសើរបំផុតសម្រាប់ដំណុះគ្រាប់ពូជ និងការលូតលាស់របស់ដំណាំ ។ ដើម្បីបានទទួល
លក្ខខណ្ឌនេះ គេត្រូវភ្ជួររាស់ដីក្នុងជម្រៅមួយដែលអាចអោយដំណាំអាចមានលទ្ធភាពចាក់
ឫសបានល្អ ដើម្បីទ្រទ្រង់ដើម និងស្រូបយកសំណើមព្រមទាំងសារធាតុចិញ្ចឹមទាំងឡាយ
សម្រាប់សម្រេចបាននូវសក្តានុពលភាពនៃទិន្នផល។

គេត្រូវតែធ្វើការបំបែកនិងច្របល់ដីអោយបានគ្រប់គ្រាន់ ដើម្បីបន្ថយ ឬបង្អន់នូវការប្រជែង
ពីស្មៅចង្រៃ។ ផ្ទៃដីខាងលើគួរតែធ្វើឲ្យបានរាបស្មើល្អ ដើម្បីអោយការគ្រប់គ្រងទឹក និងការ
កម្ចាត់ស្មៅសង្រៃដែលទើបដុះថ្មីមានប្រសិទ្ធភាពខ្ពស់អតិបរិមា។ ស្រែទាំងឡាយត្រូវការផង
ដែរនូបប្រព័ន្ធបង្ហូរ សម្រាប់បង្ហូរទឹកចេញឲ្យបានរហ័សនូវទឹកដែលលើសពីសេចក្តីត្រូវការ៕

រយៈពេល៖
វាគ្មិន៖ លោក សេងវាង នៃវិទ្យាស្ថានស្រាវជ្រាវនិងអភិវឌ្ឍន៍កសិកម្ម កម្ពុជា

ពូជស្រូវសែនក្រអូប

លោក ចានសារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទនៅពេលថ្មីៗកន្លង

ទៅនេះបានជុំរុញឲ្យកសិករ ធ្វើការផ្លាស់ ប្តូរពូជ មកប្រើប្រាស់ពូជស្រូវទាំង១០មុខ ដែល
រាជរដ្ឋាភិបាល អនុញ្ញាតប្រើឲ្យប្រាស់ម្រាប់ធ្វើការនាំចេញ។
ពូជទាំង១០មុខ អាចផ្តល់ផល ដល់ទៅ៨តោនក្នុង១ហិកតា។ ពូជទាំង១០នេះ មាន
ទិន្នផលខ្ពស់ រស់ជាតិល្អ និងមានតម្លៃខ្ពស់ លើផ្សារទាំងក្នុង និងក្រៅប្រទេស។
ពូជទាំង១០នេះ មានស្រូវស្រាល មិនប្រកាន់រដូវចំនួន៣មុខ:ពូជសែនពិដោរ ពូជជលសារ
ពូជអ៊ីអ៊ែរ៦៦ ផ្ការំដេង និងរំដូល ផ្កាច័ន្ទសែនសរ ផ្ការមៀតន និងពូជផ្ការំដេង និងពូជស្រូវ
ធ្ងន់ចំនូន៣មុខ: ពូជរាំងជ័យ ពូជខា៤ និងពូជខា។
សែនពិដោរ ជាពូជស្រូវស្រាល ក្រអូប និងមិនប្រកាន់រដូវ ដែលបានធ្វើការរំដោះនិងផ្សព្វ
ផ្សាយដោយវិទ្យាស្ថានស្រាវជ្រាវ និងអភិវឌ្ឍន៍កសិកម្ម កម្ពុជា នៅឆ្នាំ២០០២ បច្ចុប្បន្ន ពូជស្រុវសែនពិដោរបាននិងកំពុងរីកសាយភាយនៅក្នុងប្រទេសកម្ពុជាដោយពូជស្រូវនេះ
ផ្តល់ទិន្នផលខ្ពស់ មានក្លឹនក្រអូប គុណភាពអង្ករល្អមានភាពថ្លាវែងរលូន និងបាយទន់
ឆ្ងាញ់ពិសារទៀតផង។ ជា ពិសេសទៅទៀតជាពូជដែលមានប្រភេទអង្ករមានតម្លៃខ្ពស់
នៅលើទីផ្សារ ជាតិ និង អន្តរជាតិ៕
រយៈពេល៖
វាគ្មិន៖ លោក ទី ចាន់ណា នៃវិទ្យាស្ថានស្រាវជ្រាវ និងអភិវឌ្ឍន៍កសិកម្ម កម្ពុជា

វិស័យកសិកម្មនៅប្រទេសអូស្រ្តាលី

ស្រូវសាឡីដាំនៅប្រទេសអូស្រ្តាលី។ វិទ្យុអូស្រ្តាលី

វិស័យកសិកម្ម មានតួនាទីដ៏សំខាន់ក្នុងការអភិវឌ្ឍសេដ្ឋកិច្ចអូស្រ្តាលី។ ប្រទេស
អូស្រ្តាលីជាប្រទេសផលិតនិងនាំចេញកសិផលដ៏ចម្បងមួយនៅលើពិភពលោក។

វិស័យកសិកម្មនិងវិស័យពាក់ព័ន្ធនឹងកសិកម្មប្រមូលថវិកាបានចំនួន១៥៥ពាន់លាន
ដុល្លារក្នុងមួយឆ្នាំ ដែលស្មើនឹងចំនួន១២% នៃផលទុនសរុបក្នុងស្រុក។ផលិតផល
កសិកម្មចំបងៗ ដែលប្រទេសអូស្រ្តាលីផលិត មានសត្វគោក្របី ស្រូវសាឡី ទឹក
ដោះគោ បន្លែ ផ្លែឈើ រោមចៀម មាន់ទា សត្វចៀម និងអំពៅ។

ផលិតផលកសិកម្ម នៅសេសសល់ពីការផ្គត់ផ្គង់ក្នុងស្រុកដែលប្រទេសអូស្រ្តាលីនាំ
ចេញទៅក្រៅប្រទេសអាចចិញ្ចឹមមនុស្សបានរាប់សិបលាននាក់។

តើប្រទេសអូស្រ្តាលីមានបច្ចេកទេសផ្នែកកសិកម្មទំនើបដូចម្តេច បានជាប្រទេសនេះ
អាចផលិតកសិផលបានដ៏ច្រើនសម្បើមដូច្នេះ? ។ សូមតាមដានស្តាប់បទសម្ភាសន៍
ជាមួយ លោក សៅ ស៊ុនលី ប្រធានសមាគមកសិករខ្មែរ នៅ រដ្ឋញូវសាវវ៉េល ។

រយៈពេល៖ 
សា​រៈប្រ​យោ​ជ​ន៍​ជញ្ជ្រាំ​ងក្នុ​ង​ការ​ប​ង្កើន​ជី​ជាតិដីស្រែ​

ជញ្ជាំ្រងស្រូវក្រោយពីការច្រូតកាត់ស្រូវ​។ 

បច្ចុប្បន្នរដូវប្រមូលផលស្រូវវស្សាបាននិងកំពុងប្រព្រឹត្តទៅនៅប្រទេសកម្ពុជា ហើយនៅ​តំបន់ខ្លះកសិករក៏បានបញ្ចប់ការច្រូតស្រូវហើយដែរ។ ប៉ុន្តែក្រោយពីរដូវច្រូតកាត់ កសិករ​ភាគច្រើនមិនមានការដាំដុះបន្ថែមនៅរដូវប្រាំងទេ។ ដីស្រែដែលកសិករទុកចោលក្រោយ
ពីការច្រូតកាត់ហើយ សំបូរទៅដោយជញ្ជ្រាំង ដែលជាធនធានមួយប្រកបទៅដោយ
សក្តានុពលសម្រាប់កសិករ ជាពិសេសវាជាជីធម្មជាតិដ៏ល្អដែលធ្វើឲ្យដីផុសនិងផ្តល់
ជីជាតិបន្ថែមដល់ស្រូវ។

មជ្ឈមណ្ឌលសិក្សានិងអភិវឌ្ឍន៍កសិកម្មកម្ពុជា និយាយថា ការការពារជញ្ជ្រាំងពីការ
ដុតបំផ្លាញចោល ហើយទុកវាដើម្បីធ្វើការភ្ជួរលុបនៅពេលធ្វើស្រែនៅរដូវក្រោយ មិនត្រឹមតែជួយឲ្យផលស្រូវយើងកើនឡើងបានច្រើនប៉ុណ្ណោះទេ តែវាជួយកាត់បន្ថយ
នូវការចំណាយទិញជី និងធ្វើឲ្យជីជាតិដីមាននិរន្តរភាពថែមទៀតផង៕